Leumoh hukom diatoe lee pangkat Leumoh tanoh keubue meukubang.

LEUMOH HUKOM DIATOE LEE PANGKAT LEUMOH TANOH KEUBUE MEUKUBANG

Hadis Maja: “Leumoh hukom diatoe lee pangkat Leumoh tanoh keubue meukubang.”

Ingat na keuh tempat phon ta  jak aleuh jih hana le. Cuba neubayang-bayang ngan mandum crita hana mandum sigohlom gata na bak donya. Indatu gata lam seujarah mandum nyang neutuleh ka apoh ka gadoh. Gata jeut bansa nyang mudah dipeulangu dipeulamit duek bangai tahe gante.

Sebenar jih hana yang trep lam seujarah. Nyang na cuma teingat ato pih tuwo. Seujarah neumat baro na keuh uro nyoe, gata musti meurasa mantong wujud disinan.

Bansa Aceh kon urueng nyang hana ilme baten, kon lagee aneuk manok jeut diparoh le meuruwa. Urueng Chik tanyoe jiteupu pajan raja zalim ek ateuh singgasana, indatu tanyoe tem suet nyawong keu ridha Allah.

Neukalon nanggroe tanyoe ka lage kueh boy dibagi-bagi. Uteun-uteun tanyo ka hana le, pedeh hate ta kalon buya krueng teudong-dong. Gadoh meurangak meupake sabe-sabe dro.

Rafli neusurah bak lagu Rawa Tripa: “Rawa Tripa raya that uyok, jinoe jineuk cok sawet jipula. Ie ka habeh thoo tanoh leupah kra, dum meulatang han tatuho ka. Hana le ie unoe hai aneuk nanggroe nyang jeut keu ubat, ka habeh limbat peunajoh raja. Hana le seungkoe rukan ngon bacee, habeh dum reule atra nyang ka na. Sayang gampong lon sayang nanggroe lon. Ureung di gampong abeh nafakah, sabee reu ah lam uroe kha, dak na ujuen hana pat keubah. Kayee katacah boh bhah preh teuka, ka keuhendak Po rawa geu keubah. Si Jumoh jak cah di Rawa Tripa, geupuga gampong yoh phon geupeugah, oh ta eu sosah urueng ubee na. Buya krueng teudong-dong buya tamong meuraseuki.”

Beuneuingat lagee disurah bak kitab gohlom Islam sigohlom neupaham lhee ilme: Tauhid, syariah ngon tassawuf. Peukah jinoe Raja meunan? Hukom ka diatoe le pangkat, leumoh lage tanoh keubeu meukubang. Tanyoe bek tuwo bansa nyoe jameun geu mat ngon urueng-urueng saleh.

Peudeh hatee, ie mata tijoh. Tanyoe ureung na iman musti bahagia karna meuphom Allah lam tip-tip takeudi gaseh ngon sayang keutanyoe hantom putoh. Mandum lam kuasa Po, mandum pujoe keu Allah, neu peusalamat nanggoe kamoe, jameun na keuh dilakap nanggroe aulia. Hom uro nyoe!

XXXXX