Bek ta meurakan ngen si paleh hareuta abeh tanyoe binasa
BEK TA MEURAKAN NGEN SI PALEH HAREUTA HABEH TANYOE BINASA
Uroe nyoe ulon surah saboh riwayat khususan keu bansa droe. Urueng-urueng Aceh awai na saboh seujarah nyang dum na ceudah. Dari jameun Aceh hana meubah trok jinoe, mantong di Selat Malaka bak persimpangan donya. Peu nyang meubah? Indatu ka geutinggai tanyoe, tinggai gata! Peu nyan ka leuh gata peugot ngon pusaka?
Seujarah nyan pusaka! Bek tuwo-tuwo tanggai-tanggai nyan na lam seujarah, buet buluen likot atawa seribe thon nyang ka likot, mandum na makna. Ngon teupeu seujarah jeut ta peusifeut tanyo. Saboh keumeunangan menyoe tanyoe ta tusoe droe.
Beu ingat! Watee Belanda jak meupake dan meuprang bansa Aceh, hana alasan sabab bansa Aceh hana neupeugot sapeu nyang peurugoe awak nyan. Awak nyan taloe! Pakon? Watee nyan Aceh mantong bulat meusaboh, kreuh kong teuga. Aleuh taloe Belanda nyan han keumah ithuen taloe malee lagee na, di surak ban saboh donya.
Ji kirem Snouck u Aceh, jak (pura-pura) meurakan ngon tanyoe. Jih peugah urueng Aceh hanjeut dipeutalo karena jih merasa mulia that, meunyoe ka kaphe dimiyup dikalon le urueng Aceh. Kiban cara peu anco? Aniaya urueng Aceh, peu malee sampoe batin awak nyoe hana meusambong ngon lahee. Aceh hana rakan ngon jih, hana ji pakoe. Ji peugah indatu tanyoe urueng-ureung bangai! Kepeu? Jeut tanyoe malee keu nasab tanyoe.
Peu nyang ji peugah le Snouck nyan, hanjeut ta seutot. Karna peu nyang get bah jih hana get bak tanyoe, meunan cit seubalik jih. Nyoe tanyoe hanjeut ta seumikee abeh ateuh peu nyang dipeugot nyan, sama tanyoe ngon mandum bansa Jawa ngen Nusantara ka dipeulamiet le Belanda. Adak pih urueng lagee Snouck duk lam kawan tanyoe, bek (sagai) ta meurakan ngen si paleh hareuta habeh tanyoe binasa.
Meunyoe ureung Aceh (jinoe) mantong hantom deungo ata nyan, hantom jeut kenira ata nyan atawa hana keumah seumike ata nyan. Bek harap teupeu peu kejadian lam donya, karna hana tepeu cara duk bak rung donya. Watee ta teupeu saboh-saboh peukara beuteupu beuabeh-abeh, bek na soe jeut peugeut tanyoe ata nyan.
Nyan bacut ulon surah riwayat nyoe, nyang udep. Seujarah bansa Aceh nyang bernafas, nyang (wajeb) meuyum dari jameun away trok an uroe nyoe. Peu makna pike keudroe!
XXX
Tengkuputeh 